O sindicato Unións Agrarias cualifica de mero trámite o resultado da Conferencia Sectorial de Agricultura, celebrada no día de onte no Ministerio. O contido da reunión a que asistiu a conselleira de Medio Rural, Ánxeles Mejuto, pecou de total falta de ambición para explorar as posibilidades que posúe a PAC para afrontar de xeito real e concreto as melloras no financiamento que precisa os sectores produtivos de Galicia sobre todo no eido da gandería de carne e de leite.
Neste a organización agraria critica ao Ministerio por tratar de crear unha guerra entre territorios e sectores en crise cando polo contrario as administracións deben instrumentar medidas para mellorar o rendemento das axudas e os seu traslado efectivo as producións con problemas.
Neste sentido, e a diferenza doutras organizacións agrarias e cooperativas Unións Agrarias manifesta o seu apoio a que se dean axudas a todos os sectores crise, porque o non facelo ademais de insolidario e equivocado, supón unha contradición co que desde Galicia se defende para caso dos incentivos para o gando de carne e leite de explotacións situadas en zonas desfavorecidas ou de montaña de Lugo ou Ourense.
Para o sindicato é imprescindible para acadar unha maior eficiencia no gasto das axudas limitando a un máximo por axuda e preceptor de pago básico 150.000 euros. Con este plan limitaríase o desembolso a aquelas explotacións sobre financiadas e co remanente poderíase ampliar o abano de produtores amparados polos fondos. E do mesmo xeito pídese elevar o tope ao 15% a porcentaxe que España dedica as axudas acopladas, que na actualidade está só no 12%.
Finalmente a organización agraria pide ao Goberno en funcións e a Xunta de Galicia, que poñan por diante aos produtores en activo a hora de recibir axudas porque reducindo a base de preceptores serán mais os fondos a redistribuir. Un mecanismo do que ven disfrutando desde hai anos os produtores franceses.
Deja un comentario