O novo plan lácteo vai a facer desembolsar aos gandeiros de Galicia en torno ós 11 millóns de € para mercar as cotas que se abandonaron na nosa Comunidade Autónoma. Este mal chamado plan non ten en conta que, segundo se propón na revisión da PAC do ano 2008, o sistema de cotas pode desaparecer, o que obrigará aos nosos gandeiros a pagar por algo que dentro de moi poucos anos non terá ningún valor.
Consecuentemente, Xóvenes Agricultores demanda do MAPA que este reparto sexa totalmente gratuito, xa que non podemos investir en algo que non sabemos se poderemos amortizar e rendibilizar.
Por outra banda, dado o movemento que se está a implantar en Europa, en favor da liberalización do mercado cotas lácteas, esiximos do MAPA o fin da sua política totalmente intervencionista, que permita as transferencias de cotas entre particulares e que aplique unha política seria, rigurosa e profesional no sector; e non ligada aos intereses políticos de cada momento, como se está a facer agora.
A deficiente xestión levada a cabo por parte do Ministerio e da Consellería do Medio Rural o único que está a conseguir é que os agricultores deixen o sector , tal e como se demostrou no ultimo plan de abandono, ó cal se acolleron 1.000 gandeiros galegos cunha cota de case 50.000 tm., sendo este o abandono de maior cuantía dende que existen as cotas na nosa Comunidade.
Finalmente, dende Xóvenes Agricultores queremos manifestar a nosa oposición decidida e frontal a un plan lácteo que nos discrimina e que chega cando faltan tres meses para o final da campaña, cando xa tiñamos que estar elaborando coma mínimo o da 2007-2008, sendo polo tanto un verdadeiro lastre para os gandeiros, xa que so sirve aos intereses políticos do Ministerio, e para crear mais incerteza e confusión no sector.
Por último, a nosa organización traballará dende hoxe para manter a unidade sindical das tres organizacións co obxecto de esixir ao Ministerio que dende hoxe traballe polo futuro e non a un ano vista. Polo demáis, e en relación co anuncio de que as industrias poderían querer negociar novos prezos para o leite, a nosa organización pídelle á Consellería que convoque urgentemente a tódalas partes do sector implicadas.
Santiago , a 19 de nadal de 2006
Deja un comentario