Xóvenes Agricultores acusa a Zapatero de burlarse dos gandeiros

Xóvenes Agricultores califica de tomadura de pelo absoluta ós gandeiros o anuncio do presidente Zapatero, feito en Galicia, de que se elimina o certificado veterinario. A Orde do Ministerio de Presidencia que anula o certificado anterior sustitue o mencionado documento por un novo moito máis engorroso e que ademáis lle traslada directamente ó productor as competencias e responsabilidades sanitarias que son competencia directa da Administración.

Así, o novo documento esixido debe recoller, ademáis dos datos do productor, da explotación, das reses a sacrificar e do responsable do transporte, ata 11 cuestións técnicas tales como os detalles de revisións xerais, tratamentos e alteracións do estado sanitario, investigación de residuos analizados, etc. Chégase incluso a pedir que o gandeiro certifique que non se lle teñen diagnosticado nos últimos 12 meses enfermedades que poideran afectar á inocuidade da carne da súa explotación.

Este tipo de cuestións están plenamente contempladas nas diferentes normativas e nos rexistros da explotación, pero así preténdese trasladar ó gandeiro a responsabilidade sanitaria de controis e evaluacións que son competencia exclusiva da Administración .

Resulta curioso que se pretenda facer asinar ós productores un documento sanitario para o que non temos competencia e que ademáis contemple moitas máis cuestións que as que asinaban os veterinarios no anterior Certificado.

Neste momento a situación no sector é de auténtiico caos, froito da improvisación do Goberno. Nin no Ministerio de Agricultura nin no de Sanidade nin na Consellería de Medio Rural saben que pasos dar, xa que non existe protocolo establecido ata o momento. Así, os respectivos servizos veterinarios descoñecen como actuar.

Todo esta problemática é a fatal consecuencia dunha maniobra política apresurada de cara ao acto celebrado recentemente en Silleda por Zapatero, co aval da Ministra Espinosa, de José Blanco e do Goberno de Touriño. A realidade é que non se negociou co sector o cambio introducido e esto se viu traducido nun auténtico despropósito

Xóvenes Agricultores solicita pois de novo a retirada inmediata da Orde PRE/2893/ 2007 de 5 de outubro e a eliminación definitiva dun trámite burocrático inútil que, para máis “inri” foi sustituido por outro de imposible cumprimento.

Neste momento ademáis os servizos xurídicos de Xóvenes Agricultores estudian a posible recusación da modificación do Real Decreto por non axustarse a dereito.

Santiago, 9 de outubro de 2007