UUAA valora moi positivamente o reparto de cota láctea gratuita adxudicada a Galicia polo MARM

O sindicato Unións Agrarias valora moi positivamente o volume do cota láctea gratuita adxudicada a Galicia no reparto das máis de 141.753 toneladas procedente da Reserva Nacional que vén de comunicar o Ministerio do Medio Ambiente, Rural e Mariño os 1.512 gandeiros en activo do Estado.

Os 909 produtores galegos que terán acceso a este reparto, segundo os datos do MARM, contarán con 88.544 toneladas o que supón case 62,5% do volume total e o 60% dos gandeiros. Estes datos son un claro expoñente do peso que Galicia ten no sector lácteo español e da capacidade de adaptación dos gandeiros da nosa comunidade a un mercado esixente e complexo.

Da man das administracións está poñer agora en marcha os mecanismo lexislativos que estabilicen ao sector. Neste sentido, Unións Agrarias insiste que na aplicación da posta en marcha do novo Decreto lácteo se teña en conta a figura dun arbitraxe que marque un prezo de non existir acordo entre produtores e compradores para evitar a indefensión dos primeiros fronte dos segundos na negociación. Do mesmo xeito, é imprescindible o deseño e concreción dun instrumento que garanta os gandeiros o cobro da súa produción fronte a insolvencias financeiras por parte dos compradores, tal como se ven vendo dun tempo a esta parte.

Finalmente, o sindicato insiste en que é imprescindible a convocatoria urxente da Mesa do leite para impulsar políticas que rompan o estancamento nos prezos que están a sufrir os produtores galegos a diferenza dos europeos que están disfrutar de subas moi importantes. Sen esquecer o marco económico que está a fixar subas moi importantes en pensos e enerxías as explotacións que ven como se lima continuamente o seu marxe de supervivencia.