Unións Agrarias logrou logo das mobilizacións do pasado día 13 de abril que o Ministerio de Facenda e Administracións Públicas entendese a necesidade de baixar a presión fiscal as explotacións dada a o seu nivel de endebedamento. Con esta acción conseguise que se aprobara hoxe unha rebaixa nos módulos polos que tributan as explotacións de leite e de carne, pasando as primeiras do 32% ao 16% e as segundas do 13% ao 6%.

Poren desde a Xunta de Galicia séguese a amosar unha total e irresponsable falla de compromiso cara o sector produtor, cando está ofertar uns xuros para o adianto da PAC que están incluso por enriba dalgunhas entidades bancarias. Neste sentido o sindicato pon de manifesto que a día de hoxe o orzamento dispoñible para cubrir o adianto é de so 400.000 para o conxunto das explotacións gandeiras cando en 2009 so para as de leite superaba os 1,3 millón de euros.

A alza dos custes de produción xunto coa as baixadas do prezo do leite está a deixar as explotacións sen liquidez e cun nivel de endebedamento explosivo, polo que non se entende unha actitude tan irresponsable por parte do Goberno Galego cando os produtores teñen pendentes de recibir por Pago Único da PAC máis de 106 millóns de euros en 2012. Unha cantidade, xa consignada, que viría a supoñer certa mellora nas economías das granxas galegas e a que moitos gandeiros non poderán acceder polas trabas das entidades financieiras e a falta de apoio da Xunta.

Finalmente e coincidente co anterior o IGAPE segue sen abrir ningunha liña de axudas para o sector primario a pesar de ser estratéxico para Galicia, segundo manifesta a cotío o presidente da Xunta de Galicia. Uns créditos cos que si regaron outros sectores económicos en crise e con bastante menos viabilidade que por exemplo o lácteo cuxa produción mercado asegurado porque é deficitaria e precisa de importacións para cubrir un consumo en constante crecemento.